TREASURE အဖွဲ့နဲ့ ပတ်သက်တဲ့ နောက်ဆုံးသတင်းတွေကို YG ထုတ်ပြန်ကြေညာ
- mpc
- Category: Music
ဒီကောင်လေးတွေကို မကြာခင်မှာ ပြန်လည် မြင်တွေ့ရတော့မှာပါ။
YG အင်တာတိန်းမန့်ဟာ သူတို့ရဲ့ တက်သစ်စ အမျိုးသားအဆိုတော်အဖွဲ့ ဖြစ်တဲ့ TREASURE ရဲ့ အရေးကြီး သတင်းအချို့ကို ကြေညာခဲ့ပါတယ်။
အောက်တိုဘာလ ၃၀ ရက်နေ့မှာ YG အင်တာတိန်းမန့်ဟာ ဒီ အမျိုးသားအဖွဲ့ ရဲ့ အနာဂတ်လုပ်ဆောင်ချက်တွေနဲ့ ပတ်သက်လို့ တရားဝင်ထုတ်ပြန်ခဲ့ပါတယ်။
"TREASURE အဖွဲ့ရဲ့ တတိယမြောက် Single ဖြစ်တဲ့ "THE FIRST STEP: CHAPTER THREE" အတွက် ပရိုမိုးရှင်းတွေလုပ်ဆောင်သွားဖို့ ကျွန်တော်တို့မှာ အစီအစဉ်တွေ ရှိပါတယ်။ ဒီနှစ်အကုန်အထိ ပရိုမိုးရှင်းတွေ လုပ်ဆောင်သွားဖို့ စီစဉ်ထားပါတယ်။ သူတို့အဖွဲ့ရဲ့ ပထမဆုံး အယ်လ်ဘမ်နဲ့ ပတ်သက်တဲ့ သတင်းတွေကိုတော့ ၂၀၂၁ခုနှစ်၊ ဇန်နဝါရီလမှာ ကျွန်တော်တို့ ကြေညာပေးပါ့မယ်။ နှစ်သစ်ကို ကျွန်တော်တို့ရဲ့ Treasure Makers (fanclub) နဲ့ စတင်ချင်ပါတယ်"
လို့ ပြောကြားခဲ့ပါတယ်။
ဆက်လက်ပြီး YG အင်တာတိန်းမန့်က အယ်လ်ဘမ်ဖြန့်ချိဖို့ စောင့်နေရတဲ့ အကြောင်းရင်းကိုလည်း ပြောကြားခဲ့ပါတယ်။
"ကျွန်တော်တို့ သူတို့ရဲ့ ပထမဆုံးအယ်လ်ဘမ်ဖြန့်ချိမှုကို မြန်မြန်ဆန်ဆန် မလုပ်ချင်ပါဘူး။ နှစ်ကုန်ပိုင်းမှာ ထုတ်လွှင့်မှုတွေနဲ့ အထူးအစီအစဉ်တွေများလာတဲ့အတွက် အယ်လ်ဘမ်ဖြန့်ချိမှုကို စောင့်ဖို့ ဆုံးဖြတ်ခဲ့ပါတယ်။ အယ်လ်ဘမ်ဖြန့်ချိမယ့်အစား သူတို့ရဲ့ ခေါင်းစီးသီချင်း ဖြစ်တဲ့ "MMM" ကို ဖြန့်ချိဖို့ ဆုံးဖြတ်ခဲ့ပြီး ဒီသီချင်းကို လုံ့လဝီရိယရှိရှိ ပရိုမိုးရှင်း လုပ်မှာ ဖြစ်ပါတယ်"
လို့ပြောကြားခဲ့ပါတယ်။
ဒါ့အပြင် " ၂၀၂၁ ခုနှစ်မှာ ပထမဆုံးအယ်လ်ဘမ်ဖြန့်ချိမှုနဲ့အတူ ရသစုံလင် အစီအစဉ် ဖြစ်တဲ့ "Treasure Map" ကိုပြန်လည် စတင်ဖို့လည်း ဆွေးနွေးမှုတွေ ပြုလုပ်ခဲ့ပါတယ်။ ဖြန့်ချိနေစဉ်အတွင်းမှာလည်း မင်းတို့ရဲ့ချစ်ခြင်းမေတ္တာတွေနဲ့ ထောက်ပံ့မှုတွေ ပေးကြပါ"လို့ ထုတ်ပြန်ခဲ့ပါတယ်။
TREASURE အဖွဲ့ရဲ့ တတိယမြောက် Single အယ်လ်ဘမ်ဖြစ်တဲ့ "THE FIRST STEP: CHAPTER THREE"ကိုတော့ နိုဝင်ဘာလ ၆ ရက်နေ့မှာ ဖြန့်ချိမှာ ဖြစ်ပါတယ်။
#mpc
ဆက်စပ်နေသော ရေးသားချက်များ
-
အတွင်းပိုင်းဇိမ်ခံပစ္စည်းတွေကြောင့် YG ရဲ့ဌာနချုပ်အသစ် ပရိသတ် စိတ်ဝင်စားမှုရနေ
YG အင်တာတိန်းမန့်ရဲ့ ဌာနချုပ်အသစ်အဆောက်အဦဟာ အထဲမှာရှိတဲ့ ဇိမ်ခံပစ္စည်းတွေကြောင့် ပရိသတ်စိတ်ဝင်စားမှုခံနေရတယ်လို့ သိရပါတယ်။
-
TREASURE အဖွဲ့ရဲ့ ကကွက်အပေါ် အင်တာနက်အသုံးပြုသူတွေ စိုးရိမ်နေ
အင်တာနက်အသုံးပြုသူတချို့ဟာ YG အင်တာတိန်းမန့်ရဲ့ Idol အဖွဲ့တစ်ခုအတွက် အလွန်အကျွံအန္တရာယ်များတဲ့ ကကွက်ကို ဖန်တီးခဲ့မှုအတွက် ဝေဖန်ပြောဆိုနေကြပါတယ်။
-
G-Dragon ရဲ့ Comback အစီအစဉ်ကို YG အတည်ပြု
G-Dragon ဟာ မကြာခင် ပြန်လာတော့မှာဖြစ်ပါတယ်။
-
၂၀၂၀ အတွက် အလှဆုံးမျက်နှာ ၁၀၀ စာရင်းမှာ ဆန်ခါတင်ဝင်ထားတဲ့ YG မှ Idol များ
TC Candler ရဲ့ "100 Most Beautiful Faces" အလှဆုံး မျက်နှာ ၁၀၀ နဲ့ "100 Most Handsome Faces" အချောဆုံး မျက်နှာ ၁၀၀ အတွက် မဲပေးရမဲ့အချိန်ကို ရောက်ရှိလာပြန်ပါပြီ။
-
ယခုလကုန်မှာ တကိုယ်တော် comeback နဲ့ ပြန်လာမယ့် WINNER အဖွဲ့ဝင် Song Min Ho
WINNER အဖွဲ့ဝင် Song Min Hoဟာ အောက်တိုဘာလကုန်မှာ တစ်ကိုယ်တော် အယ်လ်ဘမ်ကို ဖြန့်ချိမယ်လို့ အောက်တိုဘာ၁၅ရက်နေ့ မီဒီယာသတင်းတွေအရ သိရပါတယ်။
-
SM နဲ့ YG အင်တာတိန်းမန့်တို့ရဲ့ ကမ်းလှမ်းချက်ကို ငြင်းပယ်ခဲ့တဲ့ ရက်ပ်ပါလေး Bang Jaemin
ဒီ ရက်ပ်ပါလေးကတော့ SM နဲ့ YG အင်တာတိန်းမန့်တို့ဆီကနေ ကမ်းလှမ်းချက်တွေကို ငြင်းပယ််ခဲ့တယ်လို့ ဆိုပါတယ်။ သူက Bang Jaemin ကလွဲလို့ ဘယ်သူရှိဦးမလဲ။ Bang Jaemin ဟာ အခုအချိန်မှာ အထက်တန်း ကျောင်းသားလေးတစ်ဦးသာ ဖြစ်ပြီးတော့ Rap ကို စိတ်ဝင်စားကြတဲ့သူတွေက School Rapper 2 အစီအစဉ်မှာ သူပါဝင်ခဲ့ပြီးတဲ့နောက် သူ့ကို ပိုပြီး သဘောကျလာကြပါတယ်။