ရိန်း နဲ့ ဂွမ်ဆန်ဝူး တို့ရဲ့ အိမ်ထောင်ရေး အချစ်ပြိုင်ပွဲ

နှစ်ယောက်လုံးဟာလည်း သာယာတဲ့အိမ်ထောင်ရေးကိုကိုယ်စီပိုင်ဆိုင်ထားကြတဲ့သူတွေပဲဖြစ်ပါတယ်။

ပြီးခဲ့တဲ့ရက်ပိုင်းက ရိန်းရဲ့ Web ရသစုံအစီအစဉ်တစ်ခုဖြစ်တဲ့' Season B Season' ကို သူငယ်ချင်းဖြစ်သူမင်းသား ဂွမ်ဆန်ဝူး အလည်လာခဲ့ပါတယ်။
အပြင်ထွက်အားကစားလုပ်ဖို့သွားရင်း ကားပေါ်မှာ နှစ်ယောက်သား ဇနီးသည်တွေအကြောင်းနဲ့အိမ်ထောင်သည်ဘဝဘယ်လိုဖြတ်သန်းလဲဆိုတာကို
အချင်းချင်းဝေမျှခဲ့ပါတယ်။

အရင်ဆုံး ရိန်း ကစပြီး "ရိုးရိုးသားသားပြောရရင်ငါတို့နှစ်ယောက်လုံးက မိသားစုအတွက်အရမ်းသင့်တော်တဲ့ခင်ပွန်းတွေပဲ ဘာလို့လဲစဉ်းစားကြည့် မနက်စာစားတယ်၊အားကစားလုပ်တယ်နေ့လယ်စာစားတယ်၊အားကစားလုပ်တယ်၊ညစာစားတယ်၊အားကစားလုပ်တယ်" လို့ပြောကြားခဲ့တာပဲဖြစ်ပါတယ်။

ဂွမ်ဆန်ဝူး ဆက်ပြောလိုက်တာကတော့

"ငါတို့လက်ထပ်ထားတာ ၁၂ နှစ်ရှိပြီ။ ရိုးရိုးသားသားပြောရရင်အခုထိ ရည်းစားဘဝလိုပဲခံစားရတယ်။ ငါ့မိန်းမကအခုထိ အရမ်းရှက်နေတုန်းပဲ။ သူအီးပေါက်တဲ့အနံ့တောင်အခုထိမရှူရသေးဘူး"

ဆိုပြီးဖောက်သည်ချခဲ့ပါတယ်။

ရိန်း ကို မင်းရောဘယ်လိုလဲလို့မေးတဲ့အခါမှာ ရိန်းက "ကျွန်တော်တို့ အခုထိလုပ်နေတဲ့အရာတစ်ခုတော့ရှိတယ်။ နေ့တိုင်း အိမ်ထဲကမထွက်ခင် မနက်ရော ညနေရောနမ်းတုန်းပဲ" လို့ပြောခဲ့ပါတယ်။ အဲဒီမှာ ဂွမ်ဆန်ဝူး က

"နမ်းတယ်ဆိုတဲ့အရာက မနက်ရောညရောလုပ်ရမယ့်အရာမဟုတ်ဘူး" အချိန်ဇယားနဲ့သတ်မှတ်ပြီးလုပ်ရမယ့်ဟာမျိုးမှမဟုတ်တာ။ ဘာလဲ EBS ချန်နယ် (တောင်ကိုရီးယား ပညာရေးအစီအစဉ်) လိုမျိုးလားမနက်နဲ့ညနေပဲနမ်းတာလားဆိုပြီးအရွှန်းဖောက်ပြီးမေးခဲ့ပါတယ်။

ဂွမ်ဆန်ဝူး နဲ့ မင်းသမီး ဆွန်းထယ်ယောင်း တို့ဟာပြီးခဲ့တဲ့ စက်တင်ဘာလမှာ သူတို့ရဲ့ ၁၂ နှစ်မြောက်မင်္ဂလာနှစ်ပတ်လည်နေ့ကိုကျင်းပခဲ့ပါတယ်။

#Real__emnl