BTS ပရိသတ်ဖြစ်နေလို့ တရုတ် ARMY တစ်ဦး အရိုက်ခံရဟုဆို
- Online Editor
- Category: Trend
BTS ရဲ့ '6.25' ပြောဆိုချက်နဲ့ ပတ်သက်လို့ တရုတ်နိုင်ငံမှာ အငြင်းပွားမှုတွေ ဖြစ်ပေါ်နေပြီး အခုတဖန် Weibo မှာ လူပြောများလာတဲ့ကိစ္စကတော့ BTS ပရိသတ်ဖြစ်နေလို့ ကိုယ်ထိလက်ရောက် ရိုက်နှက်ခံခဲ့ရတယ်ဆိုတဲ့ လူတစ်ယောက် အကြောင်း ဖြစ်ပါတယ်။
အောက်တိုဘာ ၁၃ ရက်နေ့မှာ တွစ်တာလိုမျိုး တရုတ်နိုင်ငံက အကြီးမားဆုံး ဆိုရှယ်မီဒီယာပလက်ဖောင်းဖြစ်တဲ့ Weibo တင်ထားခဲ့တဲ့ပို့စ်တစ်ခုမှာ 'WeChat' ထဲက ပြောဆိုချက်တစ်ခု ဓာတ်ပုံကို ဖော်ပြထားပါတယ်။
အဲ့ဒီပြောဆိုချက်ထဲမှာတော့ BTS ဆဲလ်ဖုန်းကာဗာကိုပိုင်ဆိုင်ထားတဲ့ တရုတ်နိုင်ငံသူတစ်ဦး ရိုက်နှက်ခံခဲ့ရတယ်ဆိုတဲ့ အကြောင်း ဖြစ်ပါတယ်။ BTS ဖုန်းကာဗာရှိတဲ့ အဲ့ဒီတရုတ်နိုင်ငံသူဟာ မျက်နှာမှာ ဒဏ်ရာရရှိခဲ့ပြီး ခြေထောက်လည်းကျိုးသွားခဲ့တယ်လို့ဆိုပါတယ်။ ရိုက်နှက်ခံရတာ အရမ်းပြင်းထန်လို့ ဆေးရုံတစ်လလောက် တက်ဖို့လိုအပ်တယ်လို့လည်း ဖော်ပြထားပါတယ်။
အဲ့ဒီပို့စ်ကို တင်ခဲ့တဲ့ အင်တာနက်အသုံးပြုသူတစ်ဦးကတော့ ရိုက်နှက်ခံရသူဟာ ဆေးရုံမှာ ကုသမှုခံယူမှာဖြစ်တယ်လို့ ပြောဆိုထားပါတယ်။ ဒါပေမယ့် အဲ့ဒီလိုရိုက်နှက်ခံရမှုဟာ တကယ်ဖြစ်ခဲ့တာခြင်း ဟုတ်၊ မဟုတ် တရားဝင်အတည်ပြုတာမျိုး မရှိသေးပေမယ့် Weibo မှာတော့ တော်တော်လေး ပျံ့နှံ့နေခဲ့တာဖြစ်ပါတယ်။
တခြားအင်တာနက်အသုံးပြုသူတွေကတော့ "သူဟာ BTS ကိုကြိုက်နေတာမို့လို့ အရိုက်ခံသင့်တယ်။" လို့ပြောဆိုနေကြပြီး တရုတ်နိုင်ငံသား တော်တော်များများကတော့ ရိုက်နှက်ခံရသူဟာ BTS ပရိသတ်တစ်ယောက်ဖြစ်နေလို့ဆိုပြီး ဝေဖန်ပြောဆိုနေကြပါတယ်။
မကြာသေးခင်တုန်းကတော့ BTS အဖွဲ့ဟာ တောင်ကိုရီးယား-အမေရိကန် ဆက်ဆံရေးကို အထောက်အကူပြုနိုင်ခဲ့တဲ့အတွက် ကိုရီးယားအသိုက်အဝန်းတစ်ခုထံကနေ Van Fleet ဆုကို ရရှိခဲ့ပါတယ်။ အဲ့ဒီဆုကို လက်ခံတဲ့အချိန် ပြောဆိုခဲ့တဲ့ မိန့်ခွန်းမှာ RM က "ကိုရီးယားအသိုက်အဝန်းရဲ့ ၂၀၂၀ ဂါလာကတော့ ဒီနှစ်မှာ ကိုရီးယားစစ်ပွဲ နှစ် ၇၀ ပြည့်တာမို့လို့ အဓိပ္ပါယ်ပြည့်စုံပါတယ်။ ကျနော်တို့ဟာ နှစ်နိုင်ငံကြားအတူတတကွမျှဝေခဲ့ကြတဲ့ နာကျင်မှုသမိုင်းကြောင်းနဲ့ မရေအတွက်နိုင်တဲ့ အမျိုးသား၊ အမျိုးသမီးတွေရဲ့ စွန့်လွှတ်အနစ်နာခံမှုတွေကို ကျနော်တို့အမြဲတမ်း အမှတ်ရနေကြမှာ ဖြစ်ပါတယ်။" လို့ ပြောဆိုခဲ့ပါတယ်။
တောင်ကိုရီးယားနဲ့ အမေရိကန်နိုင်ငံတို့ကို ရည်ညွှန်းတဲ့ "နှစ်နိုင်ငံ" ဆိုတဲ့ အသုံးအနှုန်းနဲ့ပတ်သက်လို့ တရုတ်အင်တာနက်အသုံးပြုသူတွေက အရေးတယူပြောဆိုလာခဲ့ကြတာဖြစ်ပါတယ်။ BTS အဖွဲ့ဟာ ကိုရီးယားစစ်ပွဲအတွင်းမှာ တရုတ်စစ်သားတွေရဲ့ မြင့်မြတ်တဲ့ စွန့်လွှတ်အနစ်နာခံမှုကို မျက်ကွယ်ပြုထားတယ်လို့ တရုတ်အင်တာနက်အသုံးပြုသူတွေက ပြောဆိုခဲ့ကြပါတယ်။
Online Editor
ကိုရီးယား Kpop ချစ်သူများအတွက် ရုပ်သံဇာတ်လမ်းတွဲများ ၊ တေးသီချင်းများ ၊ နာမည်ကျော် ကိုရီးယား ရုပ်ရှင်သရုပ်ဆောင်တို့၏ လတ်တလော ဖြစ်ပေါ်နေသော အကြောင်းအရာများကို Website ပေါ်သို့ ထုတ်လွှင့်တင် ဆက်နေသူဖြစ်သည်။
Website: https://www.facebook.com/thekpoptimesဆက်စပ်နေသော ရေးသားချက်များ
-
ချုံးချုံးကျသွားတဲ့ ဂျီမင်ရဲ့ ပုံရိပ်ကြောင့် ARMYs တွေ အံ့အားသင့်သွားခဲ့ရ
ရှိုးပွဲတခုမှာ အချိန်တိုအတွင်း ဘီတီအက်စ်အဖွဲ့ဝင် ဂျီမင်ရဲ့ ချုံးကျသွားတဲ့ ပုံရိပ်က ARMYs တွေကို မှင်သက်သွားစေခဲ့ပါတယ်။ ဇွန် ၂၅ ရက်နေ့က ဆိုးလ်မှာ ကျင်းပတဲ့ ဘီတီအက်စ်အဖွဲ့ဝင် ဆူဂါရဲ့ ဖျော်ဖြေပွဲ ပုံရိပ်တွေမှာ ၄ လတာအတွင်း ထူးထူးခြားခြားပြောင်းလဲသွားတဲ့ ဂျီမီရဲ့ ခန္ဒာကိုယ်က အွန်လိုင်းသပရိတ်သတ်တွေကြားမှာ ပြောစရာတခုဖြစ်လာပါတယ်။
-
၂၀၂၁ ခုနှစ်အတွင်းအမေရိကန်နိုင်ငံမှာ TXT, NCT 127 နဲ့ BTS တို့ရဲ့ အယ်လ်ဘမ် အများဆုံးရောင်းချခဲ့ရ
ပြီးခဲ့တဲ့ နှစ်တုန်းက အမေရိကန်နိုင်ငံမှာ TXT, NCT 127 နဲ့ BTS အဖွဲ့တွေရဲ့ သိန်းနဲ့ချီတဲ့ အယ်လ်ဘမ်တွေရောင်းချခဲ့ရတယ်လို့ဆိုပါတယ်။
-
K-pop စတားဖြစ်ချင်ခဲ့တဲ့ Jimin ရဲ့ဆန္ဒကို ဖခင်ဖြစ်သူက ဘာကြောင့်ခွင့်ပြုခဲ့တာလဲ
BTS အဖွဲ့ဝင်ဖြစ်တဲ့ Jimin ရဲ့ ဖခင်ဖြစ်သူဟာ K-pop စတားဖစ်ချင်တဲ့ Jimin ရဲ့ ဆန္ဒကို ဘာကြောင့်ထောက်ခံခဲ့တာလဲဆိုတဲ့အကြောင်းကို ထုတ်ဖော်ပြောဆိုခဲ့ပါတယ်။ -
အီထယ်ဝန် မှာ အိမ်အသစ်ဝယ်ယူခဲ့တဲ့ BTS အဖွဲ့ဝင် Jungkook
BTS အဖွဲ့ဝင် Jungkookဟာ အိမ်အသစ်တစ်လုံးဝယ်ယူလိုက်ပါပြီ။
-
လက်ရှိ တရုတ်နိုင်ငံမှာ နာမည်အကျော်ကြားဆုံး ကိုရီးယား အနုပညာရှင် ၁၅ ဦး
အခုဖော်ပြမယ့် စာရင်းကတော့ လက်ရှိတရုတ်နိုင်ငံမှာ နာမည်အကျော်ကြားဆုံး အနုပညာရှင် ၁၅ ဦးစာရင်းဖြစ်ပါတယ်။ -
ဒီဇင်ဘာလအတွက် နာမည်အကျော်ကြားဆုံး အမျိုးသားအဖွဲ့နေရာမှာ BTS ရပ်တည်နေ
ဒီဇင်ဘာလအတွက် နာမည်ကျော်ကြားမှုညွှန်းကိန်းအမြင့်ဆုံး အမျိုးသားအဆိုတော်အဖွဲ့ ၃၀ ရဲ့စာရင်းကို ထုတ်ပြန်လိုက်ပါတယ်။